Lajme te tjera
- Euro 2012, Kuzhe: Morëm maksimumin nga kjo ndeshje
- Shqiperia mposht Luksemburgun, Salihi i dhuron fitoren Kombetares
- Sot Argjentinë-Spanjë miqësore luksi në Buenos Aires
- Romario i hyn politikës, më 3 tetor kandidon për deputet
- Shqipëria sot ndaj Luksemburgut për fitoren e parë në grup
- Shqipëria, luan sot ndaj Luksemburgut
- Tifozët boshnjakë rrahin keqazi kreun e Federatës
- Kuzhe: Nëse nuk fitojmë kthim 3 hapa mbrapa
- Cana: S'kemi eufori, gjithçka për të mundur Luksemburgun
- Shqipëria, ndaj Luksemburgut 2 fitore në 2 takime
Maradona sulmon Federatën e Futbollit: Gënjeshtarë, tradhtarë!
TIRANE-Diego Armando Maradona ka akuzuar presidentin e Federatës Hulio Grondona dhe drejtorin teknik Karlos Bilardo se e kanë tradhtuar, një ditë pasi Bordi drejtues vendosi shkarkimin e tij. Duke folur në një konferencë shtypi, Maradona ka qenë tepër i ashpër me drejtuesit e futbollit argjentinas, duke thënë se ata donin t’i hiqnin 7 nga 9 anëtarët e stafit teknik. “Grondona më gënjeu, ndërsa Bilardo më tradhtoi - deklaroi Maradona. – Ndoshta njerëzit e Federatës që morën këtë vendim, mendonin se unë do të tradhtoja bashkëpunëtorët e mi, duke menduar se unë nuk do të largohesha kurrë nga detyra”, u shpreh më tej ai. Maradona deklaroi se ende nuk e ka harruar humbjen 4-0 me Gjermaninë, ndërsa në një moment ai është parë thuajse gati për të qarë. “Kushdo që të zgjidhet trajneri i ri i kombëtares duhet ta dijë se tradhtari do të jetë gjithnjë aty. Në federatë ka njerëz që nuk duan më të mirën e futbollit argjentinas, por shikojnë vetëm interesat e tyre personale dhe llogaritë bankare”, deklaroi ish-trajneri i Argjentinas, duke fituar duartrokitjet e gazetarëve. Diego Armando Maradona e mori drejtimin e kombëtares në fund të vitit 2008 dhe ishte një nga trajnerët më jetëshkurtër të saj. Ai e kualifikoi Argjentinën në Botëror, por humbja 4-0 me Gjermaninë në çerekfinale, bëri që pozitat e tij të lëkundeshin. Maradona nuk ka patur kurrë raporte të mira me presidentin e Federatës Hulio Grondona, por edhe me drejtorin teknik Karlos Bilardo. Për shkarkimin e Maradonës foli edhe presidentja e vendit Kristina Fernandez. “Nuk e dija se çfarë do të ndodhte. Ky vendim më ka mërzitur dhe them se do të ishte një gjë e mirë nëse palët do të gjenin sërish gjuhën e përbashkët”, u shpreh ajo. (d.b/BalkanWeb)
