Lajme te tjera
- Shtohen telashet për Runin, zbulohet prostituta e dytë
- Kapelo: Runi luajti nën një presion të tmerrshëm
- Euro 2012, Kuzhe: Morëm maksimumin nga kjo ndeshje
- Shqiperia mposht Luksemburgun, Salihi i dhuron fitoren Kombetares
- Sot Argjentinë-Spanjë miqësore luksi në Buenos Aires
- Romario i hyn politikës, më 3 tetor kandidon për deputet
- Shqipëria sot ndaj Luksemburgut për fitoren e parë në grup
- Shqipëria, luan sot ndaj Luksemburgut
- Tifozët boshnjakë rrahin keqazi kreun e Federatës
- Kuzhe: Nëse nuk fitojmë kthim 3 hapa mbrapa
Ronaldo: Murinjo më i miri, këtë vit një sezon i madh
LOS ANXHELOS- Reali i Madridit ka nisur fazën e plotë përgatitore në Los Anxhelos. Edhe këtë herë, skuadra galaktike ka tërhequr vëmendjen e shumë tifozëve, duke parë edhe yjet e shumtë në organikë. E gjithë vëmendja ka qenë mbi Kristiano Ronaldon, yllin e Realit, i cili u transferua një vit më parë për shifrën e 94 milionë eurove në këtë klub. Portugezi ishte i pari që mbajti një konferencë për shtyp në Amerikë, duke u shprehur me shumë nota optimizmi për sezonin e ri që starton pas gati një muaji. Sipas Ronaldos, çelësi i fitoreve të Realit do të jetë pikërisht Zhoze Murinjo, trajneri i ardhur nga Interi para dy muajsh. “Nuk ka shumë trajnerë që kanë fituar dy herë Champions League, sepse kjo nuk është aspak e lehtë, - u shpreh Ronaldo. – Mendoj se për Murinjon trofetë flasin vetë. Kam shumë gjëra për të thënë për Zhozenë, por mendoj se atë e njohin të gjithë. Është diçka e bukur të punosh me lojtarët dhe me trajnerin më të mirë në botë”, deklaroi kapiteni i Portugalisë. E megjithatë, me ardhjen e Murinjos duket se metodat e stërvitjes janë forcuar në kampin madrilen. “Për mua nuk është problem, - deklaron Ronaldo. – Jam stërvitur edhe më parë kaq fort dhe më duket diçka familjare”. Portugezi nuk pranoi të komentojë gjatë triumfin e Spanjës në kampionatin botëror. “Tani Kupa e Botës mbaroi dhe neve na duhet të fokusohemi te Reali. Jam shumë optimist këtë sezon, kemi ardhur këtu në Los Anxhelos për t’u përgatitur dhe mendoj se kur të nisë sezoni do të jemi gati”, deklaroi Ronaldo. Reali i Madridit do të zhvillojë dy ndeshje miqësore gjatë kohës së qëndrimit në Amerikë. Më 4 gusht ai do të luajë me Club America në San Françisko, ndërsa më 7 gusht do të ndeshet me Los Anxhelos Galaksi. Ndërkohë, klubi madrilen ka siguruar edhe mesfushorin e Shtutgartit Sami Kedira, i kërkuar me ngulm nga trajneri Murinjo. (e.n/A.Latifi/BalkanWeb)
