Lajme te tjera
- Kosovë, shpërthim në veri të Mitrovicës
- Thaçi: Nuk do të ketë kurrë më bisedime për statusin
- Kosove, Besimtarët myslimanë falin Bajramin
- Kosovë, Veriu sfida më e madhe për KFOR-in
- Kosova: Pr/rezoluta e re përjashton bisedimet për statusin
- OKB, Asambleja e Përgjithshme debaton për Kosovën
- Komisioni Evropian transferon 30 mln euro për Kosovën
- Serbia ndryshon rezolutën për Kosovën
- Topi: Njohja e Kosovës vendimi më i duhur pas GJND-së
- Mitrovicë, vritet shqiptari, incidenti ka qëllim destabilizimin
EULEX, Vreeswijk:Nuk do kursejmë askënd që ka bërë krim
PRISHTINE- Dy ditë pasi që ka marrë konfirmimin se është emëruar kryeprokuror i EULEX-it, , Johannes Van Vreeswijk, ka thënë se EULEX-i nuk e ka ndërmend të ndalet në hetimet rreth korrupsionit dhe krimit të organizuar në Kosovë. Në një intervistë për “Kohën Ditore”, të publikuar sot, holandezi që e ka ushtruar detyrën e kryeprokurorit prej kur EULEX-i ka filluar ky mision hetimet kundër korrupsionit dhe krimit të organizuar, ka prezantuar detaje të hetimeve të EULEX-it në rastin Limaj, guvernatorit Rexhepi, rastin e PTK-së, atë të Ilir Tolajt si dhe për rastin Bllaca. Vreeswijk ka ripërsëritur se ka prova të mira në rastin Limaj dhe se ministri i dyshuar do të merret në pyetje. I pyetur se kur do të ndodhë kjo, Vreeswijk është përgjigjur se “Nuk mund të flas publikisht për planet e marrjes në pyetje të të dyshuarve, por ai do të merret në pyetje” Ai nuk ka dashur që të fliste për ministrat e tjerë që mund të jenë duke u hetuar nga EULEX-i por ka thënë se ka edhe raste të tjera të ngjashme me atë të Limajt. Prokurori holandez ka paralajmëruar se misioni po i heton 25 raste të ndryshme në veri, gjashtë prej të cilave i ka futur në listën e ngushtë, dhe do t`i shqyrtojë këtë të martë. Ai pranon se ka pasur presion diplomatik, kryesisht konsultues, por është i bindur se EULEX-i ka mbështetjen edhe të Brukselit për të vazhduar punën. Vreeswijk ka thënë se rasti i guvernatorit Rexhepi ka të bëjë me individin dhe jo me sistemin, andaj nuk ka arsye për t`u shqetësuar për sistemin bankar në Kosovë. Ai përsërit se po hetohen të gjithë zyrtarët në të gjitha partitë. “Nuk do t`i kursejmë as ndërkombëtarët”, ka thënë Vreeswijk ne intervistën për “Koha Ditore”. (e.n/BalkanWeb)
